Q&A - kalyska

частыя пытанні, датычныя праекту

kalyska.archive – малады праект, які мае на мэце развівацца і стаць публічнай ініцыятывай. Будзем радыя вашаму фідбэку пра нашу працу, а таксама заахвочваем дасылаць вашыя пытанні на пошту kalyska.archive@gmail.com ці ў дырэкт інстаграму kalyska_archive

Прыватныя запісы, альбо home movie – гэта вельмі каштоўны матэрыял, які адлюстроўвае тое, як выглядала паўсядзённае жыццё па-за межамі афіцыйнага кантэксту, ці кантэксту масавай культуры. Гэта матэрыял, які можа натхняць і вучыць ня толькі удзельнікаў здымак і іх нашчадкаў, але і грамадства агулам. Прапануем пачытаць матывацыю удзельнікаў kalyska.archive

Так, безумоўна. Запоўніце адпаведную форму на нашым сайце ў раздзеле “прыняць удзел”

Дзякуй за ваш давер. Запоўніце адпаведную форму ў раздзеле сайта пад назвай “прыняць удзел”. Вы таксама можаце напісаць нам на пошту, ці ў дырэкт інстаграма.

Ваша відэа будзе захоўвацца ў воблаку на Google Drive. Доступ да файла ў воблаку будзе у вас і ў калектыва kalyska.archive. Дадаткова мы будзем захоўваць копіі вашага відэа на двух розных HDD дысках, доступ да якіх будзе мець калектыў архіва.

Адна копія добра, але дзве – надзейней. Другая копія – гэта так званы бэкап (запасная копія). Ён робіцца на выпадак, калі з першай копіяй адбудзецца непазбежнае. Што можа здарыцца складана сказаць. Але калі нешта ўсё ж адбудзецца, то відэа не будзе згубленае, бо існуе запасная копія.

Перадаючы відэа ў калекцыю kalyska.archive вы даеце дазвол на выкарыстанне відэа ў прома-матэрыялах архіва ў сацсетках і падчас афлайн прэзентацый. Іншае выкарыстанне без вашай згоды забароненае.